“WorldSkills Almaty 2024” IX аймақтық чемпионатының жеңімпаздары мен қатысушыларын ресми марапаттау рәсімі өтті.

Аталмыш чемпионатқа 53 құзыреттілік бойынша 380 жас маман қатысып, нәтижесінде 135 жеңімпаз анықталды. Олар Алматы қаласы әкімінің орынбасары Әсем Нүсіпованың атынан дипломдармен және ақшалай сыйақы сертификаттарымен марапатталды.

 Сондай-ақ, сайысқа «Жиһаз өндірісін автоматтандыру», «Жүктерді экспедициялау», «ТҚК және электромобильдерді жөндеу» сияқты жаңа құзыреттіліктер қосылды. Байқау нәтижелерін 400-ден астам сарапшы бағалады. Жарысқа Алматы қаласы колледждерінің студенттері, WSA чемпионатының бас сарапшылары, WS әлеуметтік серіктестері, Алматының жұмыс берушілері қатысты.

Айта кетейік,  аймақтық чемпионаттан жеңіп шыққан жеңімпаздар алдағы Астанада өтететін республикалық  WorldSkils чемпионатында  бақтарын сынайтын болады.