Колледжге түсу үшін өтінішті “Электрондық Үкімет” сайты арқылы беруге болады. Ол үшін «Білім» бөліміне кіріп, квотаның бар-жоғын, оқу тілін, мамандығын, біліктілігін және колледжін (алдыңғы жарияланымдағы құжаттар тізбесін) көрсете отырып, өтінімді толтыру қажет.
Өтінімді жібермес бұрын жеке деректерді қайта тексеріп, қажетті құжаттарды жүктеу қажет. Өтініш бергеннен кейін қабылдау бөлімінің қызметкері 1-2 жұмыс күн ішінде талапкермен байланысқа шығады немесе жеке кабинетіне хабарлама жібереді.
Құжаттарды офлайн режимінде тапсыру үшін барлық құжаттарды жинап, таңдалған колледждің қабылдау комиссиясына бару қажет. Барлық құжаттардың дұрыс толтырылғанына көз жеткізіңіз. Қабылдау комиссиясы құжаттарды толығымен тексереді және конкурстың нәтижелері туралы хабарлайды. Жұмысшы мамандықтарына түсуші талапкерлер әңгімелесуден өтеді. Орта буын және қолданбалы бакалавриат мамандықтарына түсетіндер аттестаттың орташа балы мен бейіндік пәндер бойынша бағалар негізінде автоматтандырылған жүйемен өткізілетін конкурсқа қатысады.
Колледжге қабылдау күндізгі оқу нысаны үшін 31 тамызға дейін және кешкі және сырттай оқу нысандары үшін 30 қыркүйекке дейін жүргізіледі. Білім басқармалары конкурс қорытындыларын өздерінің ресми сайттарында жариялайды және талапкерлерді ақпараттық жүйе арқылы хабардар етеді. Егер оқуға түсушілер саны гранттар санынан көп болса, студенттер орташа конкурстық балл және квотаның болуы негізінде қабылданады.
“Студентке ақша” жобасы талапкерлерге өздері түскісі келетін колледжді өз бетінше таңдауға мүмкіндік береді және бюджеттен қаражат бөлінеді.