Абу дабиде Emirates Skills жарысы басталды

Бүгін БАӘ-де 15 ұлттық Emirates Skills жарысы аясында Достық чемпионаты басталады. Оған 26 құзыреттілік бойынша 17 елдің өкілдері қатыспақ.

Шақырылған қонақтар арасында қазақстандық делегация да бар. 7 отандасымыз алдағы WorldSkills Lyon 2024 халықаралық чемпионатының алдында 6 құзыреттілік бойынша өз өнерлерін көрсететін болады.

Ақмерей Сәрсенғали (графикалық дизайн), Әлібек Алдамжаров (өнеркәсіптік автоматандыру), Досжан Есмағанбет (электроника), Бексұлтан Тұрғанқұл (дәнекерлеу), Алексей Мирахимов (СББ станоктарындағы токарлық жұмыстар), Тимур Бабенко және Елнар Жуасбаев (мобильді робототехника) әлемге шеберліктерін көрсетуге дайын. Барлық қатысушыларға сәттілік тілейміз!