Сіз үй жануарларына клиникалық диагностика немесе жұмыртқа, ет пен сүтке ветеринарлық-санитарлық сараптама жүргіздіңіз бе? Жоқ?! Ал Павлодар облысы Кемеңгер ауылының оқушыларының осындай тәжірибесі бар! Олар тек бактериологиялық зерттеулермен ғана айналыспай, ветеринарлық жабдықтармен жұмыс істеді, сонымен қатар Lavol, John Deere және КамАЗ сияқты заманауи ауыл шаруашылығы машиналарына мініп көрді. Осының барлығы «Alaman» оқу-практикалық орталығының базасында мүмкін болды.

«Ertis» жоғары инновациялық аграрлық колледжінің қызметкерлері жетінші және сегізінші сынып оқушылары үшін ауыл шаруашылығы бағытындағы бейінді лагерь ұйымдастырды. Бүгін бірнші маусымның аяқталуына орай балаларға арналған салтанатты іс-шара өтті. Оқу-өндірістік орталығының базасында концерт, ойын-сауық бағдарламасы, сондай-ақ ұлттық және ауыл шаруашылығы көрмелері ұйымдастырылды. Барлық қатысушыларға ветеринария, агрономия және ауыл шаруашылығын механикаландыру сабақтарынан өткендігі туралы сертификаттар табысталды.