Шығыс Қазақстан облысында “WorldSkills Shygys 2024” өңірлік чемпионаты басталды. Оған 33 құзыреттілік бойынша 140 жас маман қатысуда. Ал олардың шеберліктерін колледждердің әлеуметтік серіктестері бағалайтын болады.
Чемпионат 10-14 маусым аралығында Өскеменнің құзыреттілік орталықтары мен жетекші колледждерінің базасында өтеді. Жабылу салтанаты мен марапаттау рәсімі 14 маусымға жоспарланған. Жеңімпаздар қараша айында Астанада өтетін “WorldSkills Kazakhstan 2024” республикалық чемпионатына қатысуға жолдама алады.

Айта кетейік, ШҚО чемпионатқа 2016 жылдан бері қатысып келеді.