2024 жылдың 14 мамырында Қарағанды техника-құрылыс колледжінің базасында «Сырлау және декоративті жұмыстар», «Плиткамен қаптау», «Кірпіш қалау», «Өнеркәсіптік дизайн», «Сантехника және жылыту», «Жиһаз өндірісі», «Визуалды мерчендайзинг және витринистика», «Флористика» құзыреттері бойынша WorldSkills Karaganda-2024 аймақтық чемпионатының ашылу салтанаты өтті.

Іс-шараның құрметті қонақтары «Трестшахтспецстрой» учаскесінің бастығы А. Алпысбаев, «Alina Group» ЖШС маманы А. Маркин болды.

Чемпионатқа облыстың 10 колледжінен 33 студент, сонымен қатар Қызылорда облысынан және Татарстан республикасынан  қонақ ретінде шақырылған 2 студент қатысатын болады.

Бағдарламаға сәйкес қатысушылар арасында жеребе тарту және еңбекті қорғау мен қауіпсіздік техникасы бойынша нұсқаулық, құзыреттер бойынша сарапшылар кеңесі, жұмыс орнын дайындау өткізілді.