4 қарашада  «Talap» КеАҚ  Президенті Санжар Тәтібеков Қостанай қаласына барып, кәсіби дағдыларды дамыту және білім беру мекемелері мен өнеркәсіптік кәсіпорындар арасындағы ынтымақтастықты нығайтуға бағытталған бірнеше маңызды іс-шараларға қатысты.

1. Педагогтардың кәсіби шеберлік байқауы: Президент Санжар Тәтібеков Костанай автомобиль көлігі колледжінде өткен «Автомобиль ісі» мамандығы бойынша педагогтар арасындағы кәсіби шеберлік байқауына қатысты. Байқауға елдің әр өңірінен 15 педагог қатысып, тәжірибе алмасып, өз шеберліктерін арттыруға мүмкіндік алды.
2. Техникалық және кәсіптік білім беру жүйесін (ТжКБ) трансформациялау мәселесін талқылау: Білім басқармасы, ТжКБ бөлімі, әдістемелік кабинет өкілдері және Қостанай облысы колледждерінің директорларымен бірге ТиПО жүйесін жаңғырту бағыттары талқыланды.
3. Арнайы пәндер оқытушыларына арналған курстар: Биыл «Talap» КеАҚ «Автомобиль ісі» мамандығы бойынша еліміздің барлық аймақтарынан арнайы пәндер оқытушыларына арналған курстар мен тағылымдамалар ұйымдастырды. Курс барысында педагогтардың кәсіби біліктілігін және тәжірибелік даярлығын арттыру мәселесі сөз болды.
4. Корпоративтік университет Allur-мен ынтымақтастық туралы меморандум: Курстардың теориялық бөлігі Корпоративтік университет Allur-де, ал тәжірибелік бөлігі компанияның өндірістік алаңдарында өткізілуіне қатысты меморандумға қол қойылды. Бұл қадам оқытудың тәжірибелік құрамын нығайтуға септігін тигізеді.
5. Allur өндірістік алаңына бару: Зауыт өкілдерімен бірге дуалды оқыту жүйесі аясында жұмысшы кадрларды, менеджерлерді және инженерлерді даярлау қажеттілігі талқыланды. Бұл жүйе өндірістің заманауи талаптарына сәйкес мамандарды даярлауға мүмкіндік береді.
6. Қостанай автомобиль көлігі колледжімен ынтымақтастық: Сапар колледждің оқу базасымен танысумен аяқталды. Колледж директоры Дмитрий Павлюченко, бұрын Allur компаниясында жұмыс істеген, колледжде тәжірибеге бағытталған оқытуды белсенді енгізуде, бұл Allur мен колледждің табысты өзара әрекеттестігіне жарқын мысал болып табылады.

Сапар қорытындылары және болашаққа жоспарлар: «Talap» КеАҚ білім беру бағдарламаларын экономиканың нақты секторының талаптарына интеграциялау жұмысын жалғастырады. Қостанай облысында кәсіпорындармен және білім беру мекемелерімен ынтымақтастықты нығайту – білікті мамандарды даярлаудың тұрақты жүйесін құрудағы маңызды қадам болмақ.