«Техникалық және кәсіптік, ортадан кейінгі білім беру ұйымдарының арнайы пәндер/кәсіби модульдер оқытушылары мен өндірістік оқыту шеберлеріне арналған 1С платформасында бағдарламалау негіздері» біліктілікті арттыру курстарының білім беру бағдарламасы болып табылады.

Бағдарлама мазмұны: Тыңдаушыларда Бағдарламаның мақсаты, міндеттері мен күтілетін нәтижелеріне сәйкес дағдыларды қалыптастыру үшін мазмұн үш модульден тұрады:

1-модуль. «1С: Кәсіпорын» платформасында бағдарламалау және әзірлеу негіздері.
Бұл модульде тыңдаушылар 1С: Кәсіпорын платформасының мүмкіндіктері туралы базалық түсінік алады, кіріктірілген бағдарламалау тілін меңгереді, конфигурацияның негізгі объектілері мен элементтерімен танысады, сондай-ақ қолданбалар әзірлеу және жөндеу дағдыларын игереді.

2-модуль. «Сұраныстар механизмі және басқарылатын формаларды бағдарламалау».
Модуль деректерді алу үшін сұраныстарды құру және қолдану тәсілдерін, сондай-ақ басқарылатын формаларды бағдарламалауды үйренуге арналған.

3-модуль. «1С: Кәсіпорын» платформасында мобильді қосымшаларды әзірлеу.
Үшінші модуль функционалды мобильді қосымшаларды әзірлеуге бағытталған

Бағдарламаның мақсаты: «1С: Кәсіпорын» платформасында бағдарламалау негіздерін меңгеру.

Бағдарламаның міндеттері:

• «1С: Кәсіпорын» платформасында бағдарламалаудың негізгі принциптерін меңгеру, соның ішінде кіріктірілген 1С тілін, конфигурация объектілерін және жөндеу механизмдерін оқу;
• мәліметтерді тиімді алу және өңдеу үшін сұраныстармен, басқарылатын формалармен және виртуалды кестелермен жұмыс істеу дағдыларын қалыптастыру;
• веб-сервистермен интеграциялау және клиент-серверлік өзара әрекеттесу арқылы мобильді қосымшаларды әзірлеу бойынша практикалық дағдыларды дамыту;
• IT саласының заманауи талаптарын ескере отырып, тыңдаушыларды бағдарламалық шешімдерді өз бетінше әзірлеуге, сынақтан өткізуге және жөндеуге дайындау.

Күтілетін нәтижелер:

Бағдарламаны аяқтаған соң педагогтер:

• «1С: Кәсіпорын» платформасының негізгі механизмдерін қолдана отырып, қолданбалар әзірлеу мен жөндеуді жүзеге асырады;
• деректер алу үшін сұраныстар мен басқарылатын формаларды құру және қолдану дағдыларын меңгереді;
• «1С: Кәсіпорын» платформасында функционалды мобильді қосымшалар әзірлейді.