Құрметті әріптестер!

«Talap» КЕАҚ, WorldSkills халықаралық қозғалысының ұлттық операторы, «Теміржол көлік құралдары технологиялары» құзыреттілігі бойынша WorldSkills Халықаралық оқу лагері іс-шарасына қатысу үшін сарапшыны іздеуді жариялайды.

Іс-шара туралы негізгі ақпарат:

Мақсаттар:

• «Теміржол көлік құралдары технологиялары» мамандығын зерттеу;
• WorldSkills Shanghai 2026 жарысына дайындық;
• Байқау тапсырмаларын орындаудың негізгі модульдері мен аспектілерін талдау.

Өткізу кезеңдері:

• 1-сессия: 2025 жылдың сәуір айының аяғы – мамыр айының басы;
• 2-сессия: 2025 жылдың қыркүйек айының аяғы – қазан айының басы.

Өткізу орны:
Чанчунь цифрлық технологиялар колледжі (Чанчунь, Қытай), Jiean Hi-tech компаниясымен бірге.

Кандидаттарға қойылатын талаптар:

• Кәсіби құзыреттіліктің жоғары деңгейі, мамандық бойынша жоғары немесе техникалық және кәсіптік білім туралы диплом;
• Кемінде 3 жыл жұмыс тәжірибесі (өндіріс, ЖОО, ТиПО);
• Ағылшын тілін меңгеру (Pre-Intermediate деңгейінен төмен болмауы тиіс);
• Компьютермен жұмыс істеу дағдылары (сенімді пайдаланушы деңгейі);
• WorldSkills қозғалысының нормативтік құжаттарын білу;
• Аталған мамандық бойынша кәсіби дағдыларды көрсету қабілеті.

Кандидатураңызды қарастыру үшін мына құжаттарды ұсынуыңыз қажет:

1. Біліміңіз туралы диплом (қосымша: кәсіби біліктілікті арттыру және тәжірибеден өту сертификаттары);
2. Резюме;
3. Портфолио (сәтті жобалардың сипаттамасы, жетістіктер, әзірленген конкурс тапсырмалары, инфрақұрылымдық парақтар, бағалау критерийлері);
4. IELTS сертификаты (бар болса);
5. Келесі тапсырмаларды орындауды көрсететін видео:

Видео тапсырмалар:

Жоба №1: Пантографты баптау және реттеу

• Күйін тексеріңіз;
• Қозғалыс параметрлерін реттеңіз;
• Реттеудің жұмысқа әсерін түсіндіріңіз.

Жоба №2: Жолаушылар вагондарының есіктерін тестілеу

• Электр қосылымын тексеріңіз;
• Автоматты ашу/жабу функциясын тексеріңіз.

Жоба №3: Тежегіш қалыптарын ауыстыру (3D–virtual орта)

• Тозған қалыптарды ауыстырыңыз;
• Тежегіш жүйесінің жұмысын тексеріңіз.

Жоба №4: Пойыздың электрлік функцияларын тестілеу

• Электр тізбегіндегі ақауды тауып, жойыңыз;
• Жүйенің дұрыстығын тексеріңіз.

Видеоның форматы:

• Әр тапсырмаға 5 минут;
• Кадрде жұмыс процесі, құралдар мен қауіпсіздік техникасының сақталғаны көрінуі тиіс.

Бағалау критерийлері:

1. Тапсырмаларды орындаудың дәлдігі;
2. Қауіпсіздік техникасын сақтау;
3. Комментарилердің толық әрі анық болуы.

Қатысудың артықшылықтары:

• Халықаралық жетекші мамандардан практикалық тәжірибе;
• Теміржол көлігі технологиялары саласындағы білімді тереңдету;
• Халықаралық байқауларға дайындық барысында қолдау.

Колледждердің ТиПО оқытушылары мен шеберлерін сарапшы ретінде қатысу мүмкіндігін қарастыруға шақырамыз, өз білімдеріңізбен бөлісіп, отандық мамандардың дамуына жаңа тәжірибе қосуға болады.

Құжаттарды қабылдау мерзімі: 2025 жылдың 15 ақпанына дейін.

Байланыс үшін:

• Мекенжай: Астана қаласы, Достық көшесі, 20, Санкт-Петербург БЦ, 2-қабат, 222 кабинет
• Телефон: +7 (7172) 57 51 15 (ішкі 38)
• Ұйым: «Talap» КЕАҚ
• Электрондық пошта: a.imambayev@talap.edu.kz

Біз сіздердің кандидатураларыңызды күтеміз және сұрақтарыңызға жауап беруге дайынбыз!