«WORLDSKILLS ABAI – 2024» ӨҢІРЛІК ЧЕМПИОНАТЫ БАСТАЛДЫ

22 сәуір күні «WorldSkills Abai – 2024» екінші өңірлік чемпионатының ашылу салтанаты өтті. Оған облыстың 29 колледжінен 200-ден астам студент өздерінің кәсіби шеберліктерін 57 құзыреттілік бойынша көрсетеді. Жұмысшы мамандықтары бойынша жастар біліктілігін 200 сарапшы бағалайды.

Құзыреттер бойынша конкурстық алаңдар 23-25 сәуір аралығында Бизнес және сервис, Геодезия, картография және құрылыс жоғары колледжі,  Электротехникалық колледж, Көлік колледжі, Радиотехника және байланыс колледжі, Геологиялық барлау колледжі, М.Әуезов атындағы педагогикалық колледжі, Шәкәрім колледжі және Рымбек Байсейітов атындағы Семей қаржы-экономикалық колледждерінде өтеді.

Чемпионат қорытындысы мен марапаттау рәсімі 26 сәуір күніне жоспарланған. 30 құзыреттілік бойынша жеңімпаз облыс құрамасы күзде өтетін WorldSkills Kazakhstan Ұлттық чемпионатына жолдама алады.

Айта кетейік, былтыр аймақтық чемпионатқа 23 колледж қатысса, биыл қатысушылар саны артты.

Еске салайық, «Worldskills Kazakhstan-2023» ҮІІІ республикалық чемпионатында Абай облысының студенттері 6 алтын, 2 күміс, 3 қола медаль жеңіп алып, еліміз бойынша үздік атанды.