2025 жылғы 23 қыркүйек пен 2 қазан аралығында Қазақстанда техникалық және кәсіптік, орта білімнен кейінгі білім беру (ТжКБ) қызметкерлері күніне арналған республикалық марафон өтеді.

Онкүндікке созылатын бұл ауқымды шара еліміздің барлық өңірлерін қамтып, студенттерді, педагогтарды, ардагер мамандар мен жұмыс берушілерді біріктіреді.

Марафон аясында ұйымдастырылады:

• республикалық челлендждер мен онлайн-инициативалар;

• түрлі сала мамандарынан мастер-класстар;

• кәсіби бағдар беруге арналған іс-шаралар;

• шығармашылық байқаулар мен спорттық жарыстар;

• әлеуметтік және экологиялық бағыттағы акциялар;

• салтанатты жиындар мен марапаттау рәсімдері.

Марафонның басты мақсаты — техникалық және кәсіптік білім беру жүйесінің ортақ миссиясы мен құндылықтарын нығайту, жұмысшы мамандықтарының беделін арттыру және олардың ел экономикасы мен қоғамды дамытудағы маңызды рөлін көрсету.

Баршаңызды аталған іс-шараларға белсенді қатысып, қатысушыларды қолдауға шақырамыз!