2025 жылғы 29 қазанда КМҚК «Теміртау жоғары политехникалық колледжі» базасында «Гидротехникалық құрылыс» және «Гидротехникалық мелиорация» мамандықтары бойынша мамандар даярлауға арналған «AquaLab» су шаруашылығы орталығының салтанатты ашылуы өтті.

Орталықтың негізгі мақсаты – су шаруашылығы саласы үшін кадрлар даярлау жүйесін дамыту, студенттердің кәсіби құзыреттерін қалыптастыру және білім, ғылым мен өндіріс интеграциясын қамтамасыз ету.

Басты міндеттері:
* тәжірибеге бағытталған оқытуға жағдай жасау;
* гидротехникалық құрылыс саласындағы білікті кадрлар тапшылығын толықтыру;
* колледж бен жұмыс берушілер, салалық ұйымдар арасындағы әріптестікті дамыту.

Іс-шара аясында «Гидротехникалық құрылыс және мелиорация», «Су ресурстарының сапасы мен аналитикалық бақылауы» зертханалары таныстырылып, оқу-тәжірибелік стендтер көрсетілді және жетекші салалық компаниялармен ынтымақтастық туралы меморандумдарға қол қойылды.

Салтанатты шараға Қазақстан Республикасы Оқу-ағарту министрлігі мен Су шаруашылығы министрлігінің өкілдері, Қарағанды облысы әкімдігі, «Talap» КЕАҚ, «Атамекен» кәсіпкерлер палатасы, «Қазсушар» РМК, Қазақ су шаруашылығы және мелиорация ұлттық университеті, сондай-ақ ірі өнеркәсіптік кәсіпорындар мен шетелдік серіктестер қатысты.

Іс-шараның ұйымдастырушысы – Қазақстан Республикасы Оқу-ағарту министрлігінің және «Talap» КЕАҚ қолдауымен КМҚК «Теміртау жоғары политехникалық колледжі».