2025 жылы ТжКОБ Білім беру бағдарламаларының тізілімін жүргізу мақсатында «Talap» КеАҚ білім беру бағдарламаларына сараптама жүргізу үшін сарапшыларды іріктеуді жариялайды.

Сараптама тобының құрамына:

• кадрларды даярлаудың тиісті бағыты бойынша біліктілік санаты/дәрежесі («Қауіпсіздік қызметі», «Гигиена және өндірістегі еңбекті қорғау» бейіні бойынша арнайы немесе әскери атақ/сыныптық шен) және мәлімделген бағдарлама шеңберінде біліктілігі бар педагог;
• мәлімделген бағдарлама шеңберінде кадрлар даярлаудың тиісті бағыты бойынша кемінде 2 жыл жұмыс өтілі бар жұмыс берушінің ұйымынан (кәсіпорынынан) маман тартылады.

Іріктеуге қатысу үшін ТжКОБ бейіндері бойынша оқу-әдістемелік бірлестіктерге 2025 жылдың 3 наурызына дейін әлеуетті сарапшыларға қойылатын талаптарға сәйкес растайтын құжаттармен қоса өтінім беру қажет.

ТжКОБ бейіндері бойынша оқу-әдістемелік бірлестіктердің байланыс деректері туралы ақпарат «Talap» КеАҚ сайтында «ТжКОБ бейіндері бойынша ОӘБ байланыс деректері» қойындысында орналастырылған.

Ұсынылатын құжаттардың тізбесі

Педагог:

1. Жеке куәліктің көшірмесі;
2. Білім туралы дипломның көшірмесі;
3. Санатты/дәрежені растайтын құжат;
4. Тізілімге енгізілген білім беру бағдарламаларын сараптау тәжірибесін растайтын құжаттар;
5. Мемлекеттік тапсырма (тапсырыс) шеңберінде соңғы 7 жылдағы ТжКБ мамандығы бойынша білім беру бағдарламаларын, үлгілік оқу жоспарларын, оқу құралдарын әзірлеу тәжірибесін растайтын құжаттар;
6. Білім беру бағдарламаларын әзірлеу бойынша кемінде 18 сағат көлемінде біліктілікті арттыру курстарынан (семинардан) өткенін растайтын құжаттар.

Ұйымның (кәсіпорынның) маманы:

1. Жеке куәліктің көшірмесі;
2. Білім туралы дипломның көшірмесі;
3. Жұмыс орнынан мамандық бойынша жалпы жұмыс өтілі көрсетілген анықтама.
4. Тізілімге енгізілген білім беру бағдарламаларын сараптау тәжірибесін растайтын құжаттар;
5. Мемлекеттік тапсырма (тапсырыс) шеңберінде соңғы 7 жылдағы ТжКБ мамандығы бойынша білім беру бағдарламаларын, үлгілік оқу жоспарларын, оқу құралдарын әзірлеу тәжірибесін растайтын құжаттар.