Бішкекте кәсіби білім беру саласындағы тәжірибе алмасу бойынша тәжірибелік семинар өтуде.

2024 жылғы 10 желтоқсанда Бішкекте «Кәсіби білім сапасын әлеуметтік серіктестік арқылы қамтамасыз ету» тақырыбында тәжірибелік семинар басталды. Бұл іс-шара «Talap» КЕАҚ мен Қырғыз Республикасының Білім және ғылым министрлігі жанындағы Республикалық ғылыми-әдістемелік орталығы арасындағы ынтымақтастық туралы меморандум аясында ұйымдастырылды.

Семинарға Қазақстанның 5 білім беру ұйымы мен Қырғызстанның кәсіби ұйымдарының өкілдері қатысып, әлеуметтік серіктестікті дамыту арқылы кәсіби білім беру сапасын арттыру мәселелерін талқылауда.

Семинардың негізгі шаралары:

1. Қырғызстанның Білім және ғылым министрлігі өкілдерімен ресми кездесулер өткізіліп, кәсіби лицейлер мен колледждердің тәжірибесімен танысу.
2. Қазақстан мен Қырғызстанның жетекші сарапшыларының дуальды оқыту, техникалық білім беруді дамыту, балама энергия көздерін қолдану тақырыптарындағы баяндамалары.
3. Электргазбен дәнекерлеу, IT-технологиялар, аспаздық өнер және робототехника бойынша кәсіби лицейлерде шеберлік сабақтары.
4. Тәуелсіз сертификаттау орталықтары мен алдыңғы қатарлы білім беру мекемелеріне бару арқылы үздік тәжірибелерді зерттеу және серіктестікті нығайту.

Мұндай ынтымақтастық халықаралық байланыстарды нығайтып, білім берудің жаңа әдістерін дамытуға ықпал етеді.