Ағымдағы жылдың 27 наурызында Білім беру бағдарламаларына сараптама жүргізуге сарапшылардың конкурстық іріктеуі аяқталды. ТжКОБ 159 мамандығы бойынша барлығы 821 әлеуетті сарапшы ұсыныс берді.

Сарапшыларды іріктеу жұмысын іріктеу комиссиясы ТжКББ ББ сараптамасын жүргізу тәртібі мен өлшем шарттарына сәйкес жүргізді.

Іріктеу комиссиясы «Talap» КЕАҚ вице-президенті Б.О. Елеусінова, «Атамекен» ҚР ҰКП Адами капиталды дамыту департаменті директорының орынбасары Л.Ж. Шонаева, Астана қаласы әкімдігінің «Әдістемелік орталығы» МКҚК Техникалық және кәсіптік білім беру бөлімінің басшысы И.С. Алишева, «Talap» КЕАҚ ұйымдастыру жұмысы, құқықтық сүйемелдеу және сатып алу басқармасының бас заңгері М.О. Бийков, «Astana Polytechnic» жоғары колледжі» ШЖҚ МКК әдістемелік кабинетінің меңгерушісі О. К. Туржанова құрамында бекітілген талаптарға сәйкес келетін сарапшылардың сапалы іріктеуін өткізді.